ಸಕಾಳಿಂಚಿ ಮಾಗ್ಣಿಂ
ಭಾಗೆವಂತ್ ಖುರ್ಸಾಚೆ + ಕುರ್ವೆನ್ | ನಿವಾರ್ ಆಮ್ಕಾಂ + ಆಮ್ಚ್ಯಾ ದೆವಾ | ಆಮ್ಚ್ಯಾ + ದುಸ್ಮಾನಾಂತ್ಲಿಂ. ಬಾಪಾಚೆ | ಆನಿ ಪುತಾಚೆ |ಆನಿ ಪವಿತ್ರ್ ಅತ್ಮ್ಯಾಚೆ ನಾಂವಿಂ.| ಆಮೆನ್.
ಸಕಾಳಿಂಚಿ ಭೆಟೊವ್ಣಿ
ಏ ಜೆಜುಚ್ಯಾ ದೈವಿಕ್ ಕಾಳ್ಜಾ, | ಆಯ್ಚ್ಯಾ ದಿಸಾಚಿಂ ಸರ್ವ್ ಮ್ಹಜಿಂ ಮಾಗ್ಣಿಂ, ಕಾಮಾಂ ಆನಿ ಕಷ್ಟ್ | ಆಮ್ಚ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾ ಪಾಸತ್ | ಆನಿ ಆಲ್ತಾರಿಚ್ಯಾ ಭೋವ್ ಪವಿತ್ರ್ ಸಾಕ್ರಾಮೆಂತಾಂತ್ ತುವೆಂ ತುಕಾಚ್ ಖಳನಾಸ್ತಾನಾ ಭೆಟೊಂವ್ಚ್ಯಾ ಸಮೆಸ್ತ್ ಇರಾದ್ಯಾಂ ಪಾಸತ್, |ಭಾಗೆವಂತ್ಆಂಕ್ವಾರ್ಮರಿಯೆಚ್ಯಾಖತಾವಿಣ್ಕಾಳ್ಜಾಮಾರಿಫಾತ್
ಹಾಂವ್ ತುಕಾ ಭೆಟಯ್ತಾಂ, |ಪ್ರತ್ಯೇಕ್ ಜಾವ್ನ್ |ಮಾಗ್ಣ್ಯಾಚ್ಯಾ ಆಪೊಸ್ತಲಾದಿಚ್ಯಾ ಇರಾದ್ಯಾಂ ಪಾಸತ್, |ಆನಿ ಪಾಪಾ ಸಾಯ್ಬಾನ್ ಹ್ಯಾ ಮಹಿನ್ಯಾಕ್ ದಾಕೊವ್ನ್ ದಿಲ್ಲ್ಯಾ |ಇರಾದ್ಯಾಂ ಪಾಸತ್ | ಹೆಂ ಸರ್ವ್ ಹಾಂವ್ ತುಕಾ ಭೆಟಯ್ತಾಂ.
ಸರ್ವ್ ತುಜೆ ಪಾಸತ್, ಏ ಜೆಜುಚ್ಯಾ ಭೋವ್ ಪವಿತ್ರ್ ಕಾಳ್ಜಾ |ಏ ಜೆಜುಚ್ಯಾ ದೇವ್ ಕಾಳ್ಜಾ | ತುಜೆಂ ರಾಜ್ಯ್ ಯೇಂವ್. ಆಯ್ಚ್ಯಾ ದಿಸಾಚ್ಯಾ ಮ್ಹಜ್ಯಾ ಮಾಗ್ಣ್ಯಾಂಕ್ ಆನಿ ಬರ್ಯಾ ಕರ್ನ್ಯಾಂಕ್ ಲಾಗೊನ್ ಆಸ್ಚಿ ಶಿಕ್ಷಾಮಾಫಿ (ಇಂದುಲ್ಜೆನ್ಸಾಂ) ಜೊಡುಂಕ್, | ಹಾಂವ್ ಖುಶಿ ವ್ಹರ್ತಾಂ. ಸೊಮಿಯಾ ಜೆಜು, | ತುಜೆ ಭೋವ್ ದೈವಿಕ್ ಕಾಳ್ಜಾಚೆ ಸಸಾಯೆನ್ ರಾಕ್ ಆಮ್ಚ್ಯಾ ಭೋವ್ ಭಾಗೆವಂತ್ ಪಾಪಾ ಸಾಯ್ಬಾಕ್; | ಜಾ ತುಂ ತಾಕಾ ಉಜ್ವಾಡ್, | ಘಟಾಯ್ ಆನಿ ಭುಜಾವಣ್.
ಮ್ಹಜಾ ದೆವಾ
ಮ್ಹಜ್ಯಾ ದೆವಾ, ಮ್ಹಜ್ಯಾ ಸಾಯ್ಬಾ, ಹಾಂವ್ ತುಜ್ಯಾ ಪಾಂಯಾಂಕ್ ಪಡ್ತಾಂ, ಹಾಂವ್ ತುಕಾ ಅರ್ಗಾಂ ದಿತಾಂ, ಅಂತಸ್ಕರ್ನಿ ನಮಸ್ಕಾರ್ ಕರ್ತಾಂ, ವ್ಹ್ಹಡ್ ತುಜೊ ಉಪ್ಕಾರ್ ಮಾನ್ತಾಂ, ಕಿತ್ಯಾಕ್ ತುವೆಂ ಮ್ಹಾಕಾ ರಚ್ಲೊ ಮ್ಹಣ್ ನೀಜ್ ಕ್ರಿಸ್ತಾಂವ್ ಕೆಲೊ ಮ್ಹಣ್ ಆಜ್ ಪರ್ಯಾನ್ ಸಾಂಬಾಳ್ಳೊ ಮ್ಹಣ್, ಜಶಿ ಬರಿ ರಾತ್ ದಿಲಿ, ತಸೊ ಬರೊ ದೀಸ್ ದಿ ಸಾಯ್ಬಾ. ಮ್ಹಜೊ ಆತ್ಮೊ, ಮ್ಹಜಿ ಕೂಡ್, ತುಜ್ಯಾ ಹಾತಾಂತ್ ದಿತಾಂ, ಮ್ಹಜಿಂ ಚಿಂತ್ನಾಂ, ಮ್ಹಜೆ ಸಬ್ದ್, ಮ್ಹಜೆ ಆಯ್ಚ್ಯಾ ದಿಸಾಚೆ ಕಷ್ಟ್ ಆನಿ ಕರ್ನ್ಯೊ,
ತುಕಾ ಸಮರ್ಪಿತಾಂ, ತುಜ್ಯಾ ವ್ಹಡಾ ಮಾನಾಕ್, ಮ್ಹಜ್ಯಾ ಪಾತ್ಕಾಂಚ್ಯಾ ಫಾರಿಕ್ಪಣಾಕ್. ಮ್ಹಜ್ಯಾ ಜೆಜು, ತುಜಾ ಖುರ್ಸಾಚ್ಯಾ ಕಷ್ಟಾಂಚ್ಯಾ ಆನಿ ಮರ್ಣಾಚ್ಯಾ ಪುನ್ಯಾಂ ಪಾಸತ್ ಭೊಗ್ಶಿ ಮ್ಹಜಿಂ ಸಮೆಸ್ತ್ ಪಾತ್ಕಾಂ ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್.
ದೆವಾ ಪವಿತ್ರ್ ಆತ್ಮ್ಯಾ ದಿ ಸಾಯ್ಬಾ ತುಜಿ ಕುರ್ಪಾ ಆಯ್ಚ್ಯಾ ದಿಸಾ ಪಾತ್ಕಾಂತ್ ಹಾಂವೆಂ ಪಡನಾ ಜಾಂವ್ಚ್ಯಾಕ್ ತುಜೆ ಉಪದೆಸ್ ಸಾಂಬಾಳುಂಕ್ ಮ್ಹಜೆ ಕಾಯ್ದೆ ಪಾಳುಂಕ್ ಮ್ಹಜಿ ಪಾತ್ಕ್ಯಾಚಿ ಕಾಕುಳ್ತ್ ಕರ್ ಮ್ಹಕಾ ಪಾತ್ಕ್ಯಾಕ್ ಭೊಗ್ಶಿ.
ಭಾವಾರ್ಥಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ,| ತುಂ ಎಕ್ಚ್ ದೇವ್ ಆನಿ ಎಕಾ ದೆವಾ ಥಂಯ್ ತೇಗ್ ಜಣ್,|ಬಾಪ್, ಪೂತ್ ಆನಿ ಪವಿತ್ರ್ಅತ್ಮೊ ಮ್ಹಣ್| ಹಾಂವ್ ಥಿರ್ ಸತ್ಮಾನ್ತಾಂ.| ತುಜೊ ದೈವಿಕ್ ಪೂತ್ ಮನಿಸ್ ಜಾಲೊ|ಆನಿ ಆಮ್ಚ್ಯಾ ಪಾತ್ಕಾಂ ಖಾತಿರ್ ಮೆಲೊ|
ಆನಿ ಜಿವ್ಯಾಂಚಿ ಆನಿ ಮೆಲ್ಲ್ಯಾಂಚಿ ಮನ್ಸುಬಿ ಕರುಂಕ್ ಯೆತಲೊಮ್ಹಣ್| ಹಾಂವ್ ಸತ್ಮಾನ್ತಾಂ.| ಹಿಂ ಸತಾಂ| ಆನಿ ಕಥೊಲಿಕ್ ಪವಿತ್ರ್ಸಭಾ ಶಿಕಯ್ತಾ ತಿಂ ಸರ್ವ್ ಸತಾಂ| ಹಾಂವ್ ಸತ್ಮಾನ್ತಾಂ ಆನಿ ಉಚಾರ್ತಾಂ,|ಕಿತ್ಯಾಕ್ ತುಂ ಸಾಸ್ಣಿಕ್ ಸತ್ ಆನಿ ಜಾಣ್ವಾಯ್| ಆನಿ ತುವೆಂ ತಿಂ ಉಗ್ಡಾಪಿಂ ಕೆಲ್ಯಾಂತ್;| ತುಂ ಫಟಯ್ನಾಂಯ್ ವಾ ಫಟ್ವೊನ್ ಪಡನಾಂಯ್.|ಹ್ಯಾ ಭಾವಾರ್ಥಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|
ಭರ್ವಶ್ಯಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ,| ತುಜೆ ಕುರ್ಪೆನ್| ಸರ್ವ್ ಮ್ಹಜ್ಯಾ ಪಾತ್ಕಾಂಚೆಂ ಭೊಗ್ಸಣೆಂ| ಆನಿ ಹೆ ಜಿಣಿಯೆ ಉಪ್ರಾಂತ್| ಸಾಸ್ಣಿಕ್ ಸುಖ್ ಜೊಡ್ತಲೊಂ/ಲಿಂ ಮ್ಹಣ್| ಹಾಂವ್ ಭರ್ವಸ್ತಾಂ,| ಕಿತ್ಯಾಕ್ ತುಂ ಸರ್ವ್ ಪದ್ವೆದಾರ್, ವಿಶ್ವಾಶಿ, ದಯಾಳ್ ಆನಿ ಕಾಕುಳ್ದಾರ್| ಆನಿ ತುವೆಂ ತೆಂ ಭಾಸಾಯ್ಲಾಂ.|ಹ್ಯಾ ಭರ್ವಶ್ಯಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|
ಮೊಗಾಚೆಂ ವಿಧಾನ್
ಸರ್ವೆಸ್ಪರಾ ದೆವಾ,| ಸರ್ವ್ ವಸ್ತುಂ ಪ್ರಾಸ್ ಚಡ್|ಹಾಂವ್ ತುಜೊ ಮೋಗ್ ಕರ್ತಾಂ|ಆನಿ ತುಜೆ ಪಾಸತ್| ಮ್ಹಜ್ಯಾ ಪೆಲ್ಯಾಚೊ ಹಾಂವ್ ಮೋಗ್ ಕರ್ತಾಂ,| ಕಿತ್ಯಾಕ್ ತುಂ ವರ್ತೊ, ಆಪರಿಮಿತ್ ಆನಿ ಸರ್ವ್ ಬರೊ| ಆನಿ ಸರ್ವ್ ಮೋಗ್ ತುಕಾ ಫಾವೊ.| ಹ್ಯಾ ಮೊಗಾಂತ್ ಜಿಯೆಂವ್ಕ್ ಆನಿ ಮರುಂಕ್| ಹಾಂವ್ ಖುಶಿ ವ್ಹರ್ತಾಂ.| ಆಮೆನ್.|
ದುಖಿಚೆಂ ವಿಧಾನ್
ಮ್ಹಜ್ಯಾ ದೆವಾ,| ಸಗ್ಳ್ಯಾ ಮ್ಹಜ್ಯಾ ಕಾಳ್ಜಾನ್| ಸರ್ವ್ ಮ್ಹಜ್ಯಾ ಪಾತ್ಕಾಂಚಿ ಹಾಂವ್ ದುಖ್ ಧರ್ತಾಂ|ಆನಿ ತಿಂ ಕಾಂಟಾಳ್ತಾಂ,| ಕಿತ್ಯಾಕ್ ತಾಂಚೆ ವರ್ವಿಂ| ತುಜಿ ನಿತಿಚಿ ಶಿಕ್ಷಾ ಮ್ಹಾಕಾ ಫಾವೊ ಜಾಲಿ,| ಪೂಣ್ ಚಡ್ ಕರುನ್| ತುಕಾ ಭೊವ್ ಬರ್ಯಾ| ಆನಿ ಸರ್ವ್ ವಸ್ತುಂ ಪ್ರಾಸ್ ಚಡ್ ಮೋಗ್ ಫಾವೊ ಜಾಲ್ಲ್ಯಾ ದೆವಾಕ್| ಹಾಂವೆಂ ಅಕ್ಮಾನ್ ಕೆಲೊ.| ದೆಕುನ್ ತುಜೆ ಕುರ್ಪೆಚ್ಯಾ ಆಧಾರಾನ್| ಆನಿ ಮುಕಾರ್ ಪಾತಕ್ ಕರಿನಾಂ ಮ್ಹಣ್| ಆನಿ ಪಾತ್ಕಾಚೆ ಸಮಯೆ ಚುಕಯ್ತಲೊಂ/ಲಿಂ ಮ್ಹಣ್| ಥಿರ್ ನಿಚೆವ್ ಕರ್ತಾಂ.| ಆಮೆನ್.|
ಆವ್ಮರಿ
ಸೊಮ್ಯಾಚ್ಯಾ ಭೊಡ್ವ್ಯಾನ್ ಮರಿಯೆಕ್ ಬರಿ ಖಬರ್ ಹಾಡ್ಲಿ.
ಆನಿ ಪವಿತ್ರ್ ಅತ್ಮ್ಯಾ ವರ್ವಿಂ ತಿ ಗರ್ಭೆಸ್ತ್ ಜಾಲಿ.
ನಮಾನ್ ಮರಿಯೆ, ಕುರ್ಪೆನ್ ಭರ್ಲ್ಲೆ …
ಆಬ್ಳೆ ! ಸೊಮಿಯಾಚಿ ಚಾಕರ್ನ್,
ತುಜ್ಯಾ ಸಬ್ದಾ ಪರ್ಮಾಣೆಂ | ಮ್ಹಜೆ ಥಂಯ್ ಜಾಂವ್.
ನಮಾನ್ ಮರಿಯೆ, ಕುರ್ಪೆನ್ ಭರ್ಲ್ಲೆ …
ಆನಿ ದೆವಾಚೊ ಪೂತ್ ಮನಿಸ್ ಜಾಲೊ,
ಆನಿ ಆಮ್ಚೆ ಮಧೆಂ ಜಿಯೆಲೊ.
ನಮಾನ್ ಮರಿಯೆ, ಕುರ್ಪೆನ್ ಭರ್ಲ್ಲೆ …
ಭಾಗೆವಂತಿ ದೆವಾಚೆ ಮಾಯೆ, | ಆಮಾ ಪಾಸತ್ ವಿನತಿ ಕರ್.
ಕ್ರಿಸ್ತಾಚ್ಯಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.
ಪ್ರಾರ್ಥುಂಯಾ
ಏ ಸೊಮ್ಯಾ, | ಭೊಡ್ವ್ಯಾನ್ ಬರಿ ಖಬರ್ ದಿಲ್ಲೆ ವರ್ವಿಂ ತುಜ್ಯಾ ಪುತಾನ್, ಕ್ರಿಸ್ತಾನ್, | ಮನ್ಶಾಪಣ್ ಘೆತ್ಲ್ಲೆಂ ಆಮಿ ಜಾಣಾ ಜಾಲ್ಯಾಂವ್. ತಾಚ್ಯಾ ಕಷ್ಟಾಂ ಆನಿ ಖುರ್ಸಾ ವರ್ವಿಂ, | ಪುನರ್ ಜಿವಂತ್ಪಣಾಚ್ಯಾ ಆನಂದಾಕ್ ಆಮಿ ಪಾವಶೆಂ, ತುಜಿ ಕುರ್ಪಾ ಆಮ್ಚ್ಯಾ ಅಂತಸ್ಕರ್ನಾಂನಿ ವೋತ್ ಮ್ಹಣ್, ಆಮಿ ಮಾಗ್ತಾಂವ್. | ತ್ಯಾಚ್ ಕ್ರಿಸ್ತಾ ಆಮ್ಚ್ಯಾ ಸೊಮ್ಯಾ ಮಾರಿಫಾತ್. | ಆಮೆನ್.
ಮಹಿಮಾ ಬಾಪಾಕ್ … (ತೀನ್ ಪಾವ್ಟಿಂ)
ರಾಕಣ್ ಭೊಡ್ವ್ಯಾ ಕಡೆ ಮಾಗ್ಣೆಂ
ದೆವಾಗೆಲ್ಯಾ ಭೊಡ್ವ್ಯಾ, ಮ್ಹಜ್ಯಾ ರಾಕ್ಣ್ಯಾ ಸರ್ಗಿಂಚೆ ದಯೆನ್ ಮ್ಹಾಕಾ ದಿಲಾ ತುಜೆ ತಾಬೆನ್ ಮ್ಹಜಿ ಮತ್ ಉಜ್ವಾಡಾಯ್ ಮ್ಹಾಕಾ ರಾಕ್ ಸಾಂಬಾಳ್ ಆನಿ ಚಲಯ್, ಆಮೆನ್
ಸರ್ಲ್ಲ್ಯಾ ಭಾವಾರ್ಥ್ಯಾಂ ಪಾಸತ್ ಮಾಗ್ಣೆಂ
ಸಾಸ್ಣಾಚೊ ವಿಶೆವ್ ದಿ ತಾಂಕಾಂ ಏ ಸೊಮ್ಯಾ ಆನಿ ನಿರಂತರ್ ಪ್ರಕಾಸ್ ತಾಂಚೆರ್ ಫಾಂಕುಂದಿ ಸಮಾಧಾನಾಂತ್ ತೆ ವಿಶೆವ್ ಘೆಂವ್ದಿತ್, ಆಮೆನ್
ಮರಿಯೆಕ್ ಸಮರ್ಪಣ್
ಮ್ಹಜೆ ರಾಣಿಯೆ ಆನಿ ಮಾಯೆ, |ಹಾಂವ್ ಮ್ಹಾಕಾ ಸಗ್ಳೊಚ್ ತುಕಾ ದಿತಾಂ, | ಆನಿ ಮ್ಹಜೆಂ ಭಕ್ತಿಪಣ್, ತುಜೆ ಥಂಯ್ ದಾಕೊಂವ್ಚ್ಯಾಕ್, |ಆಯ್ಚ್ಯಾ ದಿಸಾ ಹಾಂವ್ ತುಕಾ ಸಮರ್ಪಿತಾಂ, | ಮ್ಹಜೆ ದೊಳೆ, ಮ್ಹಜೆ ಕಾನ್, | ಮ್ಹಜೆಂ ತೊಂಡ್, ಮ್ಹಜೆಂ ಕಾಳಿಜ್ | ಆನಿ ಮ್ಹಾಕಾ ಸಗ್ಳೊಚ್, | ಕಾಂಯ್ಚ್ ದವರ್ನಾಸ್ತಾನಾ, | ದೆಕುನ್, ಯೆ ಮೊಗಾಳಿ ಮಾಯೆ, | ಹಾಂವ್ ತುಜೊ ಜಾಲ್ಲ್ಯಾ ವರ್ವಿಂ, ರಾಕ್ ಆನಿ ಸಾಂಬಾಳ್ ಮ್ಹಾಕಾ ತುಜಿಚ್ ಆಸ್ತ್ ಆನಿ ವಸ್ತ್ ಮ್ಹಳ್ಳ್ಯಾ ಪರಿಂ.