ಸಾಂತ್ ಆಂತೊನಿಚೆಂ ನೊವೆನ್‌
ಜೆಜುಚ್ಯೆ ನಾಂವಿಂ ಅಚರ್ಯಾಂ ಕೆಲ್ಲ್ಯಾ
ಜೆಜುಚ್ಯೆ ನಾಂವಿಂ ಅಚರ್ಯಾಂ ಕೆಲ್ಲ್ಯಾ
ಸಾಂತ್ ಆಂತೊನಿ ವ್ಹರ್‍ತ್ಯಾ ಭಕ್ತಾ
ದೆಂವ್ಚಾರಾಕ್ ತುವೆಂ ಧಾಂವ್ಡಾಯ್ಲೆಂಯ್
ಪಿಡೆಸ್ತಾಂಕ್ ತುವೆಂ ಬರೆಂ ಕೆಲೆಯ್
ದರ್ಯಾಂಕ್ ಸಾಂಕ್ಳಿಂಕ್ ತುಂ ಫರ್ಮಾಯ್ತಾಯ್
ಆಂದ್ಳ್ಯಾಂಕ್–ಪಾಂದ್ಳ್ಯಾಂಕ್ ಭೆರ್‍ಯಾಂಕ್ ಪಾವ್ತಾಯ್
ಕಿತೆಂಯ್ ಸಾಂಡ್ಲ್ಯಾರ್ ದಾಕವ್ನ್ ದಿತಾಯ್
ಲ್ಹಾನಾಂ ವ್ಹಡಾಂಕ್ ಭುಜವ್ನ್ ಧಾಡ್ತಾಯ್
ಅಪಾಯ್ ಆಕಾಂತ್ ತುಂ ನಿವಾರ್‍ತಾಯ್
ದುಕೊಳ್ ತತ್ವಾರ್ ತುಂ ಪಯ್ಸ್ ಕರ್ತಾಯ್
ಪಾದ್ವಾಚೊ ಲೋಕ್ ದಿತಾ ರುಜ್ವಾತ್
ತುಜಾ ಆಚರ್ಯಾಂಚಾ ಸತಾಕ್.
ಮಹಿಮಾ ಸರ್ಗಿಂ ದೆವಾ ಬಾಪಾಕ್
ಮಹಿಮಾ ತಾಚಾ ಎಕ್ಲ್ಯಾಚ್ ಪುತಾಕ್
ಮಹಿಮಾ ಮಹಿಮಾ ಪವಿತ್ರ್ ಅತ್ಮ್ಯಾಕ್
ಸದಾಂಕಾಲ್ ಸಾಸ್ಣಾಚಾ ಸಾಸ್ಣಾಕ್.
ಯೆ ತರ್ ಜಾಯ್‌ಗಿ
ಯೆ ತರ್ ಜಾಯ್‌ಗಿ ತುಕಾ‘ಜಾಪಾಂ?
ಅಬ್ಳೆ, ಮರಣ್, ಚೂಕ್ ಅನ್ವಾರಾಂ
ದೆಂವ್ಚಾರ್ ತಾಚ್ಯಾ ನಾಂವಾನ್ ಪೊಳ್ತಾತ್
ಕೊಡೆ ಪಿಡೆಸ್ತ್ ಬರೆ ಜಾತಾತ್
ದರ್ಯಾಂಕ್, ಸಾಂಕ್ಳಿಂಕ್ ತುಂ ಫರ್ಮಾಯ್ತಾಯ್
ಆಂದ್ಳ್ಯಾಂಕ್, ಪಾಂದ್ಳ್ಯಾಂಕ್ ಭೆರ್‍ಯಾಂಕ್ ಪಾವ್ತಾಯ್
ಕಿತೆಂಯ್ ಸಾಂಡ್ಲ್ಯಾರ್ ದಾಕವ್ನ್ ದಿತಾಯ್
ಲ್ಹಾನಾಂ ವ್ಹಡಾಂಕ್ ಭುಜವ್ನ್ ಧಾಡ್ತಾಯ್
ಯಾಜಕ್ : ಸಾಂತ್ ಆಂತೊನಿ, ಆಮಾ ಪಾಸುನ್ ವಿನತಿ ಕರ್.
ಲೋಕ್ : ಕ್ರಿಸ್ತಾಚಾ ಭಾಸಾವ್ಣ್ಯಾಂಕ್ ಆಮಿ ಫಾವೊ ಜಾಂವ್ಚೆ ಖಾತಿರ್.
ಸಾಂತ್ ಆಂತೊನಿ ಉದೆಶಿಂ ಮಾಗ್ಣೆಂ
1. ಸರ್ವ್ ಪದ್ವೆದಾರಾ ಆನಿ ಸದಾಂ ಜಿಯೆಂವ್ಚಾ ದೆವಾ, ಭಾಗೆವಂತ್ ಆಂತೊನಿಕ್ ತುವೆಂ ತುಜ್ಯೆ ಪರ್ಜೆಕ್ ಏಕ್ ವರ್ತೊ ಪ್ರಸಂಗ್‌ದಾರ್ ಆನಿ ತಿಚಾ ಗರ್ಜಾಂನಿ ಬಳ್ವಂತ್ ಆಧಾರ್ ಜಾವ್ನ್ ದಿಲೊಯ್. ಕ್ರಿಸ್ತಾಂವ್ ಜಿಣ್ಯೆಚಿ ವಾಟ್ ಆಮಿ ಚಮ್ಕಾತಾನಾ, ತಾಚಾ ಆಧಾರಾನ್ ಸರ್ವ್ ಅನ್ವಾರಾಂತ್ಲೆಂ ಸುಟಾಶೆಂ ಆನಿ ಸರ್ವ್ ಆಮ್ಚಾ ಪಾರ್ಕವ್ಣ್ಯಾಂನಿ ತುಜಿ ಸಸಾಯ್ ಆಮಿ ಭೊಗಿಶೆಂ ಆಮ್ಕಾಂ ಫಾವೊ ಕರ್. ಕ್ರಿಸ್ತಾ ಆಮ್ಚಾ ಸೊಮಿಯಾ ಮಾರಿಫತ್. ಆಮೆನ್.
2. ಸರ್ವೆಸ್ಪರಾ ಸಾಸ್ಣಾಚಾ ದೆವಾ, ತುವೆಂ ಪಾದುವಾಚಾ ಭಾಗೆವಂತ್ ಆಂತೊನಿಕ್ ಖರ್‍ಯಾ ಭಾವಾರ್ಥಾಚೊ ಹುಶಾರ್ ಪ್ರಸಂಗ್‌ದಾರ್ ಆನಿ ಗರ್ಜೆ–ಆಕಾಂತಾಂತ್ ಆಸ್‌ಲ್ಲ್ಯಾಂಚೊ ಥಿರ್ ಆಸ್ರೊ ಕರುನ್ ದಿಲೊಯ್, ತಾಚೊ ಪಾಟ್ಲಾವ್ ಕರುನ್ ಜೆಜುಚೊ ಪಾಟ್ಲಾವ್ ಕರುಂಕ್ ಆಮಿ ಶಿಕಾಸೆಂ ಕರ್, ಆನಿ ಸಗ್ಳ್ಯಾ ಆಮ್ಚಾ ಗರ್ಜಾಂನಿ, ತಾಚಿ ಮಜತ್ ಆಮ್ಕಾಂ ಮೆಳಾಶಿ ಕರ್ ಕ್ರಿಸ್ತಾ ಆಮ್ಚಾ ಸೊಮ್ಯಾ ಮಾರಿಫತ್, ಆಮೆನ್.
3. ಸರ್ಗಿಂಚಾ ಬಾಪಾ, ಭಾಗೆವಂತ್ ಆಂತೊನಿಚಿ ಮಜತ್ ಮಾಗೊನ್, ಆಮಿ ಆಮ್ಚ್ಯೊ ಗರ್ಜೊ, ತುಜ್ಯೆ ಹುಜಿರ್ ಉಚಾರ್‍ತಾಂವ್. ಆವ್ಚಿತ್ ಮರಣ್, ಚೂಕ್ ಶಿಕವ್ಣ್ಯೊ, ದೆಂವ್ಚಾರಾಚಿ ಇಜಾ ಆನಿ ಅನ್ವಾರಾಂ, ವೊಸ್ಯಾಚಿ ಪಿಡಾ, ಆನಿ ಆರ್ಥಿಕ್ ಅಡ್ಚಣಿ, ಹ್ಯಾ ಸರ್ವಾ ಥಾವ್ನ್ ಸುಟ್ಕಾ ಆಮಿ ಮಾಗ್ತಾಂವ್. ಭಾಗೆವಂತ್ ಆಂತೊನಿಚಾ ಮಜತೆನ್, ಭಾಯ್ರ್ ಪಡ್ಲೆಲ್ಯೊ ವಸ್ತು ಪಾಟಿಂ ಮೆಳೊಂಕ್ ಆಮಿ ಮಾಗ್ತಾಂವ್. ಆನಿ ಸಕ್ಟಾ ಪ್ರಾಸ್ ಚಡ್ ಭಾಗೆವಂತ್ ಆಂತೊನಿಚೆ ಮಜತೆನ್, ಸಾಸ್ಣಾಚಾ ಮರ್‍ಣಾಂತ್ಲಿಂ ಆಮ್ಕಾಂ ನಿವಾರುನ್, ಕ್ರಿಸ್ತಾ ಆಮ್ಚಾ ಸೊಮಿಯಾ ಮಾರಿಫತ್, ಸರ್ಗಿಂಚಾ ಸುಖಾಕ್ ಆಮ್ಕಾಂ ಪಾವಯ್ ಮ್ಹಣ್ ಜೆಜುಚೆ ನಾಂವಿಂ ಆಮಿ ಮಾಗ್ತಾಂವ್. ಆಮೆನ್.
4. ವರ್ತ್ಯಾ ಸಾಂತಾ, ಸಾಂತ್ ಆಂತೊನಿ, ತುಜಾ ಮಾಗ್ಣ್ಯಾ ವರ್ವಿಂ, ಮೊರ್ನ್, ಚೂಕ್, ಅನ್ವಾರಾಂ, ದೆಂವ್ಚಾರ್ ಆನಿ ಸರ್ವ್ ಥರಾಂಚಿ ವೊಸ್ಯಾಚಿ ಪಿಡಾ ಪಯ್ಸ್ ಸರ್ತಾ ಮ್ಹಣ್ ಉಗ್ಡಾಸ್ ಕರ್; ತುಜೆ ಮಾರಿಫಾತ್ ಪಿಡೆಸ್ತಾಂಕ್ ಭಲಾಯ್ಕಿ ಮೆಳ್ತಾ. ಉಚಾಂಬಳ್ ದರ್ಯೆ ಥಂಡ್ ಜಾತಾತ್, ಬಂಧಿವಾನಾಂಚ್ಯೊ ಸಾಂಕ್ಳಿ ತುಟೊನ್ ಪಡ್ತಾತ್. ಥೊಂಟೆ ಉಠೊನ್ ಚಲ್ತಾತ್. ಕುರ್ಡೆ ಪಳೆಯ್ತಾತ್. ಕೆಪ್ಪೆ ಆಯ್ಕಾತಾತ್, ಮೊನೆ ಉಲಯ್ತಾತ್. ಭಾಯ್ರ್ ಪಡ್‌ಲ್ಲ್ಯೊ ವಸ್ತು ಮೆಳ್ತಾತ್. ಲ್ಹಾನ್ ವ್ಹಡ್ ತುಜೆಕಡೆ ಮಾಗ್ತಾತ್ ಆನಿ ಮಾಗ್‌ಲ್ಲೆಂ ಸರ್ವ್ ತಾಂಕಾಂ ಮೆಳ್ತಾ. ತುಜೆ ವರ್ವಿಂ ಅಪಾಯ್–ಗ್ರಾಚಾರ್ ನಪಂಯ್ಚ್ ಜಾತಾತ್ ಆನಿ ಆಮ್ಚಾ ಸರ್ವ್ ಗರ್ಜಾಂಕ್ ತುಂ ಪಾವ್ತಾಯ್; ಸರ್ವ್ ಪಾತ್ಯೆಣಿ ತುಜೆರ್ ದವರ್ನ್, ತುಜಿ ಕುಮಕ್ ಆಮಿ ಮಾಗ್ತಾಂವ್; ಇತ್ಲ್ಯಾ ವ್ಹಡ್ಯೆ ಆಶೆನ್ ಆಮಿ ಮಾಗ್ತಾಂವ್ ತೆಂ ಸರ್ವ್ ಆಮ್ಕಾಂ ಜೋಡ್ನ್ ದೀವ್ನ್ ತುಜಿ ಪದ್ವಿ ಸಂಸಾರಾಕ್ ದಾಕಯ್. ಆಮೆನ್.
ಸಾಂತ್ ಆಂತೊನಿಚಾ ಗ್ರಾಸಾಕ್ ಆಂಗೊಣ್ ಕರ್ನ್ ಪ್ರತ್ಯೇಕ್ ಕುರ್ಪಾ ಜೊಡುಂಕ್ ಮಾಗ್ಣೆಂ
ಮ್ಹಜಾ ಕಾಳ್ಜಾ ಥಾವ್ನ್ ತುಕಾ ನಮಾನ್, ಸಾಂತ್ ಆಂತೊನಿ, ಹಜಾರ್ ಪಾವ್ಟಿಂ ತುಕಾ ನಮಾನ್; ತುಂಜಾವ್ನಾಸಾಯ್
ವಿಂಚ್ನಾರ್ ಪಂಲ್ಗಣ್ ದೇವ್–ಕುರ್ಪೆಚೆಂ; ಜೆಜು ಆನಿ ತುಜೆ ಥಂಯ್ ತುಜಾ ಸೆರಾಫಿಕ್ ಬಾಪಾ, ಸಾಂ ಫ್ರಾಸ್ಕಾಚೊ, ಭೋವ್ ಖಾಲ್ತೊ ಆನಿ ಭೋವ್ ಅಚರ್ಯಾಂಚೊ ಪೂತ್ ಜಾವ್ನ್, ತುಂ ಭಾಗಿ ಜಾವ್ನ್ ಆಸಾಯ್! ಉಗ್ಡಾಸ್ ಕರ್, ಅಚರ್ಯಾಂಗಾರ್ ಸಾಂತಾ,ಆಪ್ಲ್ಯಾ ಗರ್ಜಾಂತ್ ತುಕಾ ಉಲೊ ಮಾರ್‌ಲ್ಲ್ಯಾ ಕೊಣಾಕ್‌ಚ್, ಕುಮಕ್ ಆನಿ ಭುಜ್ವಣ್ ತುವೆಂ ಇನ್ಕಾರ್ ಕರುಂಕ್‌ನಾಂಯ್ ಮ್ಹಣ್ ಉಗ್ಡಾಸ್ ಕರ್.
ತುಂ ಕುರ್ಪೆನ್ ಗ್ರೇಸ್ತ್ ಆನಿ ಜೆಜು ಬಾಳ್ಕಾಚೊ ಮ್ಹಾ ಮೊಗಾಚೊ ಈಷ್ಟ್ ಜಾಲ್ಲ್ಯೆ ನಿಮ್ತಿಂ, ಥಿರ್ ಪಾತ್ಯೆಣೆನ್ ಧಯ್ರ್ ಕಾಣ್ಘೆವ್ನ್,
ಆನಿ ಮ್ಹಜೆಂ ಮಾಗ್ಣೆಂ ನಿರ್ಫಳ್ ಜಾಂವ್ಚೆಂನಾ ಮ್ಹಣ್ ಖಂಡಿತ್ ಜಾಣಾ ಜಾವ್ನ್ ತುಜೊ ಆಧಾರ್ ಹಾಂವ್ ಸೊಧ್ತಾಂ. ಸಾಂತ್ ಆಂತೊನಿ, ಅಚರ್ಯಾಂಚಾ ಸಾಂತಾ, ಗರ್ಜೆವಂತಾಂಚಾ ಆಧಾರಾ, ಮ್ಹಾಕಾ ತುಜಿ ಕುಮಕ್ ಜಾಯ್; ಗರ್ಜ್ ಮ್ಹಾಕಾ ಆಸಾ ಹ್ಯಾ ಉಪ್ಕಾರಾಚಿ….
ಮೆಳಲ್ಲ್ಯಾ ಉಪ್ಕಾರಾಂಕ್ ಅರ್ಗಾಂ ದಿವ್ಚೆಂ ಆಮ್ಚಿ ತೆಸಾಂವಾ ಭೆಟವ್ಚಿಂ ದೆಕುನ್ ಹ್ಯಾ ಮ್ಹಜ್ಯೆ ಗರ್ಜೆಂತ್ ಮ್ಹಾಕಾ ಭುಜಯ್ ಆನಿ ಇತ್ಲ್ಯಾ ಪಾತ್ಯೆಣೆನ್ ಹಾಂವೆಂ ಮಾಗ್ಚೊ ಉಪ್ಕಾರ್ ಮ್ಹಾಕಾ ದಿ; ಹೊ ಉಪ್ಕಾರ್ ಮ್ಹಾಕಾ ಮೆಳ್ತಚ್ ತುಜಾ ದುರ್ಬಳ್ಯಾಂಚಾ ಗ್ರಾಸಾಕ್ ಕಾಣಿಕ್ ದಿತಾಂ ಮ್ಹಣ್ ತುಕಾ ಉತರ್ ದಿತಾಂ. ಬಾಪಾಚ್ಯೆ ಆನಿ ಪುತಾಚ್ಯೆ ಆನಿ ಪವಿತ್ರ್ ಅತ್ಮ್ಯಾಚ್ಯೆ ನಾಂವಿಂ ಮ್ಹಾಕಾ ಆಶೀರ್ವಾದ್ ದಿ. ಆಮೆನ್.
ಸಾಂತ್ ಆಂತೊನಿಕಡೆ ಮಾಗ್ಣೆಂ
ನಿಸ್ಕಳ್ಪಣಾಚಾ ಧೊವ್ಯಾ ಫುಲಾ, ದುರ್ಬಳ್ಕಾಯೆಚ್ಯೆ ಊಂಚ್ ದೆಖಿ, ಖಾಲ್ತೆಪಣಾಚಾ ನೀಜ್ ಆರ್ಸ್ಯಾ, ಭಾಗೆವಂತ್ಪಣಾಚಾ ಪರ್ಜಳಿಕ್ ನೆಕೆತ್ರಾ, ಅನಂದ್ಭರಿತ್ ಸಾಂತ್ ಆಂತೊನಿ, ದೇವ್–ಪುತಾಕ್ ತುಜಾ ಹಾತಾಂತ್ ಘೆಂವ್ಚೊ ಸ್ವಾದಿಕ್ ಉಪ್ಕಾರ್ ತುಕಾ ಫಾವೊ ಜಾಲೊ. ತುಜೆಕಡೆ ಪರಾತುನ್ ಮಾಗ್ತಾಂ: ತುಜಾ ಪದ್ವೆದಾರ್ ಆಧಾರಾಖಾಲ್ ಮ್ಹಾಕಾ ಕಾಣ್ಘೆ. ದೆವಾನ್ ತುಕಾ ದಿಲ್ಲ್ಯಾ ಸಬಾರ್ ದೆಣ್ಯಾಂ ಪಯ್ಕಿ, ಅಚರ್ಯಾಂಚೆಂ ದೆಣೆಂ ವಿಶೇಸ್ ಜಾವ್ನಾಸಾ. ಮ್ಹಜೆರ್ ಬಿರ್ಮತ್ ದವರ್, ಆನಿ ಹ್ಯೆ ಮ್ಹಜ್ಯೆ ವ್ಹಡ್ ಗರ್ಜೆಂತ್ ಮ್ಹಾಕಾ ಪಾವ್… ಸಕ್ಕಡ್ ಅಕ್ರಮ್ ಮೋಗ್, ಮ್ಹಜಾ ಕಾಳ್ಜಾಂತ್ಲೊ ಪಯ್ಸ್ ಕರ್. ಮ್ಹಜಾ ಪಾತ್ಕಾಂಚಿ ಖರಿ ದುಃಖ್, ಆನಿ ದೆವಾಚೊ ಆನಿ ಮ್ಹಜಾ ಪೆಲ್ಯಾಚೊ ವರ್ತೊ ಮೋಗ್ ಮ್ಹಾಕಾ ಜೋಡ್ನ್ ದಿ; ಆನಿ ಅಶೆಂ ಹ್ಯೆ ಜಿಣ್ಯೆಂತ್ ವಿಶ್ವಾಸಾನ್ ಸೊಮ್ಯಾಚಿ ಚಾಕ್ರಿ ಹಾಂವೆಂ ಕರ್ನ್, ತುಜೆ ಸಾಂಗಾತಾ ಸಾಸ್ಣಾಚಾ ಸಾಸ್ಣಾಕ್ ತಾಕಾ ಹೊಗಳ್ಸುಂಕ್, ತಾಕಾ ಭೊಗುಂಕ್ ಆನಿ ಅನಂದ್ ದೀಂವ್ಕ್, ಸರ್ಗಾ–ರಾಜಾಂತ್ ಮ್ಹಾಕಾ ಪಾವಯ್. ಆಮೆನ್.
ಕಸಲೊಯ್ ಉಪ್ಕಾರ್ ಜೊಡುಂಕ್ ವಾ ಸಾಂಡ್‌ಲ್ಲಿ ವಸ್ತ್ ಮೆಳೊಂಕ್ ಮಾಗ್ಣೆಂ
ವ್ಹಡ್ ಸಾಂತ್ ಆಂತೊನಿ, ಬರೆಪಣಾನ್ ಭರ್‌ಲ್ಲ್ಯಾ ಆಪೊಸ್ತಲಾ, ವರ್ತೆ ಉಪ್ಕಾರ್ ದೇವ್, ತುಜೆ ಮಾರಿಫಾತ್ ಕರ್ತಾ; ಆನಿ ಅಧಿಕ್ ಕರ್ನ್, ಭಾಯ್ರ್ ಪಡ್‌ಲ್ಲ್ಯೊ ವಸ್ತು ತುಂ ದಾಕವ್ನ್ ದಿತಾಯ್ ದಯಾ ದವರ್ನ್, ಆತಾಂ ಮಾಗ್ತಾಂ ತೊ ಉಪ್ಕಾರ್ ಮ್ಹಾಕಾ ಕರ್ ಆನಿ ತುಜೆ ಮಾರಿಫಾತ್ ಅಸಲಿಂ ಅಚರ್ಯಾಂ ಕರ್ಚಾ ದೆವಾಕ್ ಚಡ್ ಆನಿ ಚಡ್ ಅನಂದ್ ದೀಂವ್ಕ್ ಮ್ಹಾಕಾ ಶಿಕಯ್. ಆಮೆನ್.
ಸಾಂ ಆಂತೊನಿಚಿ ಲದಿನ್
ಸೊಮ್ಯಾ, ಕಾಕುತ್ ಆಮ್ಚಿ ಕರ್, ಸೊಮ್ಯಾ, ಕಾಕುತ್ ಆಮ್ಚಿ ಕರ್
ಕ್ರಿಸ್ತಾ, ಕಾಕುತ್ ಆಮ್ಚಿ ಕರ್, ಕ್ರಿಸ್ತಾ, ಕಾಕುತ್ ಆಮ್ಚಿ ಕರ್
ಸೊಮ್ಯಾ, ಕಾಕುತ್ ಆಮ್ಚಿ ಕರ್, ಸೊಮ್ಯಾ, ಕಾಕುತ್ಆಮ್ಚಿಕರ್
ಕ್ರಿಸ್ತಾ, ಆಯ್ಕ್ ಆಮ್ಕಾಂ, ಕ್ರಿಸ್ತಾ, ಆಯ್ಕ್ಆಮ್ಕಾಂ
ಕ್ರಿಸ್ತಾ, ದಯೆನ್ ಆಯ್ಕ್ ಆಮ್ಕಾಂ, ಕ್ರಿಸ್ತಾ, ದಯೆನ್ಆಯ್ಕ್ಆಮ್ಕಾಂ
ಸರ್ಗಿಂಚಾ ದೆವಾ ಬಾಪಾ, ಕಾಕುತ್ ಆಮ್ಚಿ ಕರ್
ದೆವಾ ಪುತಾ, ಸಂಸಾರಾಚಾ ತಾರೊಕಾ, ಕಾಕುತ್ ಆಮ್ಚಿ ಕರ್
ದೆವಾ ಪವಿತ್ರ್ ಅತ್ಮ್ಯಾ, ಕಾಕುತ್ ಆಮ್ಚಿ ಕರ್
ಸಾಂತಿಸ್ಸಿಮ್ ತ್ರಿಂದಾದಿ, ಎಕಾಚ್ ದೆವಾ, ಕಾಕುತ್ ಆಮ್ಚಿ ಕರ್
ಭಾಗೆವಂತಿ ಮರಿಯೆ, ಆಮಾ ಪಾಸುನ್ ವಿನತಿ ಕರ್.
ತುಮಿ ಸಮೆಸ್ತ್ ಸಾಂತಾಂನೊ ಆನಿ ಭಕ್ತಾಂನೊ, ಆಮಾ ಪಾಸುನ್ ವಿನತಿ ಕರಾ
ಸಾಂತ್ ಆಂತೊನಿ, ಸಾಂ ಫ್ರಾಸ್ಕಾಚಾ ಖರ್‍ಯಾ ಪುತಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ದೇವ್–ಜಾಣ್ವಾಯೆಚಾ ಮಂದಿರಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಖಾಲ್ತೆಪಣಾಚಾ ಆರ್ಸ್ಯಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಪ್ರಾಚಿತಾಚ್ಯೆ ದೆಖಿ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಸಂಪೂರ್ಣ್‌ಕಾಯೆಚ್ಯೆ ದೆಖಿ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ತುಜಾ ಒಡ್ದಿಚಾ ಅಲಂಕಾರಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ನಿರಾಪ್ರಾಧಿಂಚ್ಯೆ ಬಚಾವೆ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ದುಃಖೆಸ್ತಾಂಚ್ಯೆ ಭುಜ್ವೊಣೆ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ದೆಂವ್ಚಾರಾಂಕ್ ವ್ಹಡ್ ಭಿಯಾಚಾ ಕಾರಣಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಪಿಡೆಸ್ತಾಂಚಾ ವಯ್ಜಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ನಿಸ್ಕಳ್ಪಣಾಚಾ ಫುಲಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ದುರ್ಬಳ್ಕಾಯೆಕ್ ಲಬ್ದಲ್ಲ್ಯಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಲೆಣ್ತುವಾಯೆಚಾ ಆನಿಸೊಸ್ಣಿಕಾಯೆಚ್ಯೆ ದೆಖಿ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಸುವಾರ್ತಾ ಪರ್ಗಟ್ ಕರ್ತೆಲ್ಯಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಕುರ್ಡ್ಯಾಂಚಾ ಉಜ್ವಾಡಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಭಾಗೆವಂತ್ಪಣಾಚಾ ಪರ್ಜಳಿಕ್‌ನೆಕೆತ್ರಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಮಿತಿಚ್ಯೆ ದೆಖಿ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಬಂಧಿವಾನಾಂಚ್ಯೆ ಬಚಾವೆ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ಅಜಾಪಾಂನಿ ಆನಿ ಅಚರ್ಯಾಂನಿ ನಾಂವಾಡ್‌ಲ್ಲ್ಯಾ, ಆಮಾ ಪಾಸುನ್ ವಿನತಿ ಕರ್
ಸಾಂತ್ ಆಂತೊನಿ, ತುಕಾ ಉಲೊ ಮಾರ್‌ಲ್ಲ್ಯಾಂಕ್ ಪಾವ್ತೆಲ್ಯಾ, ಆಮಾ ಪಾಸುನ್ ವಿನತಿ ಕರ್
ಜೆಜು ಕ್ರಿಸ್ತಾ, ಕಾಕುತ್ ಆಮ್ಚಿ ಕರ್.
ಸಾಂತ್ ಆಂತೊನಿಚಾ ಪುನ್ಯಾ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಸೊಸ್ಣಿಕಾಯೆ ಆನಿ ಖಾಲ್ತೆಪಣಾವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ದುರ್ಬಳ್ಕಾಯೆ ಆನಿ ಗರೀಬ್‌ಪಣಾ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಜಿಂಜ್ವಾರಾಂ ಆನಿ ಎಚಿರ್ಕಾಯೆ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಕಷ್ಟಾಂ ಆನಿ ದಂಡೊಣೆ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಸೆರ್ಮಾಂವಾಂ ಆನಿ ಶಿಕೊಣೆ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಮೊಗಾ ಆನಿ ಭಕ್ತಿಪಣಾ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಬಿರ್ಮತೆ ಆನಿ ಕಾಕುತಿ ವರ್ವಿಂ, ಕಾಕುತ್ ಆಮ್ಚಿ ಕರ್
ತಾಚಾ ಅನಂದ್ಭರಿತ್ ಮೊರ್ನಾ ವರ್ವಿಂ, ಕಾಕುತ್ ಆಮ್ಚಿ ಕರ್
ಆಮಿ ಪಾತ್ಕಿ, ಆಮ್ಕಾಂ ಭೊಗೊಸ್ ಮ್ಹಣ್ ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ಸಾಂತ್ ಆಂತೊನಿಚಾ ಮಾಗ್ಣ್ಯಾ ವರ್ವಿಂ, ಸರ್ವ್ ವಾಯ್ಟಾಂತ್ಲೆಂ ಆಮ್ಕಾಂ ನಿವಾರ್ ಮ್ಹಣ್,
ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ಆಮ್ಚಾ ಕಷ್ಟಾಂತ್ ಸೊಸ್ಣಿಕಾಯ್ ಆಮ್ಕಾಂದಿ ಮ್ಹಣ್, ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ದಯಾ ದವರ್ನ್, ಖರೆಂ ಭಕ್ತಿಪಣ್ ಆಮ್ಕಾಂ ದಿ ಮ್ಹಣ್, ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ದಯಾ ದವರ್ನ್, ಆಮ್ಚಾ ಗರ್ಜಾಂಕ್ ಪಾವ್ ಮ್ಹಣ್, ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ದಯಾ ದವರ್ನ್, ಮೊರ್ನಾಚ್ಯೆ ಘಡಿಯೆ ಆಮ್ಕಾಂ ರಾಕ್ ಮ್ಹಣ್,
ಪರಾತುನ್ ಮಾಗ್ತಾಂವ್ ಆಯ್ಕ್ ಆಮ್ಕಾಂ
ದೆವಾಚ್ಯೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತೆಲ್ಯೆ,ಭೊಗೊಸ್ ಆಮ್ಕಾಂ, ಏ ಸೊಮಿಯಾ
ದೆವಾಚ್ಯೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತೆಲ್ಯೆ, ದಯೆನ್ ಆಯ್ಕ್ ಆಮ್ಕಾಂ, ಏ ಸೊಮಿಯಾ
ದೆವಾಚ್ಯೆ ಶೆಳಿಯೆ ಸಂಸಾರಾಚೆಂ ಪಾಪ್ ಕಾಡ್ತೆಲ್ಯೆ, ಕಾಕುತ್ ಆಮ್ಚಿ ಕರ್
ಮಾಗ್ಣೆಂ
ಭೋವ್ ಕಾಕುಳ್ದಾರ್ ಜೆಜು! ತುಜಾ ಭಾಗೆವಂತ್ ಧರ್ಮ್‌ವೀರಾಕ್ ಸಾಂತ್ ಆಂತೊನಿಕ್ ಖಳಾನಾತ್‌ಲ್ಲ್ಯಾ ಅಚರ್ಯಾಂನಿ,
ವಿಚಿತ್ರ್ ಥರಾನ್ ತುವೆಂ ನಾಂವಾಡ್ಲಾಯ್; ಪಾತ್ಯೆಣೆನ್ ಆಮಿ ಮಾಗ್ತಾಂವ್ ತೆಂ ಸರ್ವ್, ತಾಚಾ ಮಾಗ್ಣ್ಯಾಂ ಆನಿ ಪುನ್ಯಾ ವರ್ವಿಂ ಆಮ್ಕಾಂ ಮೆಳ್ತೆಲೆಂ ಮ್ಹಣ್ ಥಿರ್ ಭರ್ವಶಾನ್ ರಾವೊಂಕ್ ಆಮ್ಕಾಂ ಕುರ್ಪಾ ದಿ. ಜೊ ಜಿಯೆತಾಯ್ ಆನಿ ರಾಜ್ ಕರ್ತಾಯ್ ದೆವಾ ಬಾಪಾ ಆನಿ ಪವಿತ್ರ್ ಅತ್ಮ್ಯಾ ಸಾಂಗಾತಾ ಸಾಸ್ಣಾಚಾ ಸಾಸ್ಣಾಕ್. ಆಮೆನ್.